- VR-SKÓLI LÍFSINS -

Tilgangur VR-SKÓLA LÍFSINS er að fræða og upplýsa ungt fólk (16 - 24 ára) um réttindi sín og skyldur til að styrkja stöðu þess á vinnumarkaði.

Réttindi þín á vinnumarkaði eru ekki sjálfsögð. Þau hafa ekki alltaf verið í gildi og gætu verið tekin af þér ef þú hefur ekki varann á. Í gegnum tíðina hefur vinnandi fólk á Íslandi og um allan heim barist fyrir réttindum sem í dag þykja sjálfsögð. Með því að standa vörð um þín eigin réttindi leggur þú þitt af mörkum í þessari baráttu. Það er því allra hagur að standa vörð um réttindi sín.

VR var stofnað af starfsfólki í verslunarstétt árið 1891 í þeim tilgangi að berjast fyrir bættum kjörum og auknum réttindum. Eftir meira en 120 ára baráttu er þetta markmið óbreytt. Í dag eru félagar í VR næstum 30.000 og starfa við meira en 100 starfsgreinar. Hver einasti þessara félaga getur haft samband við okkur og fengið ráðgjöf eða aðstoð við að leita réttar síns. Þetta á líka við um þig. Vertu ófeimin/n við að slá á þráðinn í síma 510 1700 eða sendu okkur línu á vrskolilifsins@vr.is.
Til baka